في هذي الحلقة سلطان بيتكلم عن ذا أوردر 1886 و رأيه فيها بعد ما كان متحمس لها, هل فعلاً تستحق كل الهايب؟ و هل الكلام اللي تسرب عنها صحيح؟
و بنستعرض أهم أخبار الأسبوع, سوني و ذا لاست جارديان اللي مب طايعه تنزل, تعريب ذا ديفيجن, هل في لعبة سولز جديدة؟ و أكثر!
فاستمتعوا!
مرت سنة-
في تاريخ 8/2/2014 نزلت أول حلقة لبودكاست روت101 و إنطلقنا بفريق صغير بإمكانيات بسيطة و في منطلق الرحلة كنّا نتعلم و نتطور و انضم لنا أعضاء جدد, و الأسبوع الماضي مرت سنة من بدأ البودكاست على مدونة بسيطة في تمبلر للموقع اللي نحن فيه اليوم, فحبينا نستغل الفرصة هذي و نشكرك أنت يا المتابع اللي تابعتنا و دعمتنا خلال السنة هذي, لأن البدايات دائماً صعبة و فيها عراقيل ما تنتهي لكن في كل مرة وصلتنا فيها رسالة, في كل مرة وصلنا فيها انطباع , أو شفنا فيها عدد الناس اللي ينزلون البودكاست يرتفع كنا نتحمس و نسعى لأنّا نطور شغلنا أكثر و ما زلنا, فنتمنى الدعم منكم يستمر و لا يتوقف و نتمنى منكم التواصل الدائم و بإذن الله نقدم الأفضل خلال السنة هذي.
و نخص بالشكر شخصين هم محمد آل علي الشخص اللي يقف خلف تطوير الموقع الحالي و فهد الغدير اللي كان في مجال البودكاست من فترة أطول بكثير منّا و دعمنا و نشر عملنا في موقعه.
ننطلق لسنة جديدة, و استمتعوا مجدداً!!
--------------------------------------------------------------------------------------------
في هذي الحلقة نتكلم عن تجربة سلطان مع البلاي ستيشن 4, و خمبوش أخييراً متحمس مع مونستر هنتر 4 ألتمت!
و بعدها بنتكلم عن موضوع حلقتنا اللي هو "أصعب اللحظات في عالم الألعاب" و اللي بيذكر فيها أعضاء الفريق لحظاتهم الصعبة في عالم الألعاب!
استمتعوا!
حلقتنا اليوم خفيفة بنتناول فيها أهم أخبار الأسبوع, تريلر برسونا 5 , و تخبيص نينتندو في اليوتيوب, تفاصيل لعبة تومب رايدر الجديدة و غيرها من أخبار الأسبوع!
فاستمتعوا!